»
چهارشنبه 22 آذر 1396

عید میلادالنبی مبارک

حضرت ختم مرتبت محمد مصطفی صلی اللہ علیہ وآلہ وسلم مس متعلق

عبدالحسین نن مجلس امام بارہ بڈگامس منز 23فروری 2009

 

....حضرت سند عمر مبارک  اوس 63 وری ۔یمہ ساعتہ حضرت سند سنء مبارک 40 ووت ،پروردگار عالمن کور حکم ؛ وین کر سا پننہ نبوت تک اعلان۔حضرت تن کور اعلان ء نبوت ۔یعنی نبی آئس مگر رسمی طور پر کورکھ  اعلان 40 وری پتہ ۔مکہ کس منز کورکھ 13 ورین  کورکھ توحید تہء خدا پرستی کن دیتوکھ دعوت۔یمہ ساعتہ حضرت سند سن مبارک 53 وری ووت ،تمو کئر مکہ پیٹھہء میدینہ نس کن ہجرت تہ مدینہ منورس منز 10 ہجری کورکھ وفات ۔

یہ تہء چھوء اکھ خاکہ امس پیغمبر اکرم صلی اللہ علیہ وآلہ وسلم سند ،یمس متعلق پروردگار عالم تتھ کئن کتھہ کران کہ ہر اہل علم  یو س قرآن نس ساتھی پاری زان چھوء تھاوان تمسندء خاطرء چھوء تمام تمی اصطلاحات حیران کن یہ کینہژاہ پروردگار عالم پیغمبر آخر الزمان صلی اللہ علیہ وآلہ وسلم سندء خاطرء چھوء استعمال کران ۔

تنہا چھوء سون پیغمبر یمسندس تھلہ تھلہ وچھہ نس تان چھوء خدا ذکر کران ۔یمسندس یتھی کئن زن بعض علماء تعبیر چھئي کران پنہ داوء ،ہر داوء تان چھوء تمسند بیان کران ۔حضرت سند زیوء مبارک کوک اشارہ کران ([1])، لباسک اشارء کران ، ائچھن ہند اشارء کران ، گردنء ہئنز کتھ کران ، یہ تہء روزان چھوکھ چیانہ گام مچ کتھ ، چیانہ شہرچ کتھ ،چیانہ گھرچ کتھی ،چیانین بائژن ہنز کتھ ، ونہ کینس چھوکھ کمبل وولتھ امچ کتھ،کتھہ کئن کران بیان ۔

اسہ چھئي یی ژاہ بئڑ برکت حاصل کہ ائس چھئي مسلمان ، اگر زن ائس پننہ نین اسلافن ہند یژھو احسان یاد کرن کہ اسہ کوس حق چھوء پننہ نین جد اجدادن ہند ؟

امہ خوتہ بوڈ حقاہ چھنہ کہ ائس چھئي مسلمان گھرس منز زامت،ائس چھئي مسلمان۔سون پیغمبر چھوء پیغمبر آخرالزمان صلی اللہ علیہ وآلہ ۔

وین کینس کمس نشہ چھئی اسہ  حاضری دن ؟

حاضری چھئي دن امام زمان عجل اللہ تعالی فرجہ الشریف سندس خدمت منز، کیازء تمسند وصی چھوء حجت خدا چھوء ،تمس برونہہ کنہ چھئي عرض تعزیت کرن۔کیازءکہ سانہ عقل تہء شعور نبر چھئی یہ کتھ کہ امہ رحلت ساتھی کوس داغ لوگ تمام عالمن ۔

یمن آیاتن کن بہء اشارء کرء شاید اندازء گژھہ کہ امام زمان عجل اللہ تعالی فرجہ الشریف فس کتھہ کئن تہء کمو الفاظو ہیکو ائس اظہار تعزیت کرتھ۔یمس پیغمبر آخرالزمان نس متعلق یوتھ مقاماہ آسہ پروردگار عالمن دیوت مت ۔

یتھی کئن اشارء کورم ہر پنہ داوء ہنز کتھ کرن حضرت سنز ۔دوپنس <لِسَانَكَ>([2])چیانی زبان،< عُنُقِكَ>([3])چیانی گردن،چیون سینہ < أَلَمْ نَشْرَحْ لَكَ صَدْرَكَ>([4])چیون سینہ ، < وَوَضَعْنَا عَنْكَ وِزْرَكَ> چیون گوب بار < الَّذِی أَنْقَضَ ظَهْرَكَ>چیون کمر، حضرت سند، <یدَكَ>([5])چیانی اتھہ،< ِلِسَانِكَ>([6])چیانی زبان،< مَغْلُولَةً إِلَى عُنُقِكَ>چیانی گردن، چیون تھلہ تھلہ ووچھن < وَجْهَكَ>< فَوَلِّ وَجْهَكَ شَطْرَ الْمَسْجِدِ الْحَرَامِ>([7])چیون بوتھ،<وَجْهَكَ >،< لَا تَمُدَّنَّ عَینَیكَ >([8])چیانہ ائچھ ۔

توہی چھوء توجہ کران پروردگار عالم کتھہ کئن چھوء ذکر کران سانس نبی سنز!

[اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُم]صلوات حضار

نہ صرف ونہ حضرت سندین بند و استخوانن ہنز ذکر کرتھ ،تہنز منزلت یژھان بیان کرن،بلکہ تہندس گھرچ تان کتھ کران ؛<یا نِسَاءَ النَّبِی>([9])نبی سنز ازواج،<بَنَاتِكَ>([10])چیانہ کورء۔نہ صرف گھرچی یاژی ذکر ۔نہ !یتہ روزان چھوکھ <قَرْیتِكَ>([11])چون گام،چون محلہ ۔ چون شہر یتہء ژء روزان چھوکھ،<وَهَذَا الْبَلَدِ الْأَمِینِ>([12])یہ تہء ژء روزان چھوکھ،تتچ کتھ ۔

نہ صرف امچی یاژی کتھی  بند و استخوانن ہنز ، گھرکین ہنز کتھ ،یتہء روزان چھوکھ،نہ!چیانس لباسس<ثِیابَكَ> چیانی پلو،<وَثِیابَكَ فَطَهِّرْ>([13])

نہ !توی یوت نہ  ۔

حالت؛کمہ حالہء چھوکھ ،میانہ حبیبء وچھان چھوستھ کیاہ چھوکھ کران ، کمبل ولتھ چھوکھ نا ونہ کینس ۔<یا أَیهَا الْمُدَّثِّرُ>([14])<یا أَیهَا الْمُزَّمِّلُ>([15])کمنبل ولتھ۔

یتھے کئن چھوء باقی نبی ین اگر زن موازنہ کرو...

یہ گو تنہا پیغمبر اکرم صلی اللہ علیہ وآلہ وسلم سندس ذات مقدسک یمی جلوء ،یمہ ساتھی زن تران چھوء انسان نس فکرء  حضرتس کوتاہ عظیم مقام چھوء خدایس نشہ۔

وین یمہ ساعتہ باقی ین انبیان تہء حضرتس متعلق کتھ چھئی کران اتھی قرآن نس منز،ائس چھئي وچھان پروردگار عالمن چھوء پننہ نین باقی ین نبی ین ہنز ذکر کرمژ یہ ونتھ زء :< یا مُوسَى>([16])<یا إِبْرَاهِیمُ>([17])<یا نُوحُ>([18])۔مگر کنہ جایہ لبیو نہ توہی قرآن نس منز <یا محمّد>،<یا احمد>صلی اللہ علیہ وآلہ وسلم۔<محمّد>چھوء قرآن نس منز، <احمد> چھوء ،مگر یہ آلو دیتھ چھنہ  صرف حضرت سی یوت۔<یا عِیسَى>([19])چھوء،<یا إِبْرَاهِیمُ>چھوء،<یا نُوحُ> چھوء مگر <یا محمّد> چھنہ کینہ ۔تلہ کیاہ چھوء؟

<یا أَیهَا النَّبِی>([20])صلوات:

[اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُم]

پروردگار عالم پانہ یوتاہ تعظیم ء سان حضرت سئنز ذکر کران ۔باقی انبیان ہئنز ذکر کران آلو کرتھ <یا عِیسَى<یا إِبْرَاهِیمُ>مگرحضرتس کتھہ کئن خطاب کران ؟

<یا أَیهَا النَّبِی>

اللہ اکبر۔ حضرتس متعلق نہ صرف <یا أَیهَا النَّبِی>یوت بلکہ <یا أَیهَا الرَّسُولُ>([21]) صلوات

[اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُم]

علّامہ عبدالحسین امینی صاحب الغدیر  لیکھان ، الغدیر چھئي بڑء حدیث سچ معتبر ترین کتاب۔فرماوان؛یوس اکھا صلوات پتہ  < وعَجِّلْ فَرَجَهُم>ونہء،پروردگار عالم یمی ثواب میہ الغدیر لیکھ نس دیہ تمی کرء ساری تمسی ہدیہ یوس زن صلوات پتہ آسہ ونان < وعَجِّلْ فَرَجَهُم > ([22])

[اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُم]صلوات حضار

اگر کانہہ دعوی چھوء کران ؛ نبی آو ، زاو ،خدا ی چھوء  خالق ہر چیزک، ائس کیازء چھنہ خدایس کن توسل کران ،خدایس گژھہ منگن سوی کرء سوری کینہ ۔

اگر ائس نظر کرو خود پیغمبر اکرم صلی اللہ علیہ وآلہ وسلم سئنز ذات مقدس چھئی ہر عقلہ سمجھہ نشہ نبر! ہیکنہ سمجتھ ۔تمہ باپت چھئی ائس اہل بیت تن ہندس دامن نس تھپ کران۔یلہ زن ائس پننہ نس پانس چھئی پرکھاوان ،اسہ نہ اہل بیت تہء فکرء تران ۔

وین کینس اگر اسہ امام سندء غیبت تک زمانہ چھوء ۔سون امام کئژ ووہر چھوء؟

  1175ووہور۔

سانہ بحث سچ چھنہ ضرورت کہین ۔کانسہ آسہ ونن ائس چھا صحیح کنہ نہ؟

دپن گژھہ سون امام چھوء زندء ،اسہ چھنہ یہ سلسلہ ژھنہ مت کہین :

اگر سون امام غلط گژھہ ثابت ، سون دین گو پانے غلط ثابت ۔

اگر سون امام گو حق ثابت ،توہی ساری دین گوی پانے باطل ثابت۔نہ چھئی لڑائی نہ چھوء بحثی۔توہی روزیو پننہ نس پیٹھ اسہ دیوو پننہ نس پیٹھ عمل کرنہ ۔

امام زمان عجل اللہ تعالی فرجہ الشریف 255 ھ قمری یس منز آیہ بدنیا از چھوء 1430ھ ق ۔گئي 1175 ووہور چھوء اسہ امام زمان ،یوس زن پانژے ووہور امام بنیوو۔یعنی امامت کس منصب بس پیٹھ گو پانژے ووہور  فائز ۔اسلئے اسہ چھنہ تمہ وتہ ہیکان گژھت کہین ،یوتان یمس امامس نہ علم الہی آسہ ۔

ائس اگر قرآن نس کن نظر تراوتھ چھئي ،حضرت سئنز چھنہ ذات مبارک تران فکرء۔وین کتہ ترء اجتہادچ ڈگری کرتھ دینک رموز فکرء ۔اسلئے ائس چھئی حجت خدایس پتہ کنہ پکان ۔ حجت خدا یس چھوء پروردگار عالم پانے علم دوان ۔ائس چھئي ونہ کینس تتھ زمانس منز یتھ منز تمی پردے غیب بس منز چھئی ۔

اگر وینہ کینس اوبر کھوت تمیوک معنی چھنہ آفتاب چھنہ ۔اوبر بنیوی رکاوٹ آفتاب چہ گرمی ،مگر آفتاب یمی کہنژاہ پننہ زژء تہء برکات زمین تان واتناوان چھوء تتھ چھئي زمین فائدہ تلان ۔یتھے کئے امام اگر پردے غیب بس منز چھوء ،ائس چھئي تمیوک فائدہ تلان ۔ائس کیاہ ساری کائینات چھئي تمیوک فائدہ تلان ۔ونہ کینس تمسندس  اتھ یتھ اوبرس درمیان ،یہ سمجھہ نس منز  کہ ائس  کتھہ کئن چھئی آفتاب بک   فائدہ تلان اتھ نش چھئي عقل حئران ،چہ بسان کہ کانہہ کرء دعوی کہ بہء چھوء سن سیودھ خدا  زانان ۔بہ ہیکہ  خدایس ساتھی پانے وصل گژھت ۔خدا خدا کریو  وسیلہ کمہ باپت چھوء ضرورت ؟

یہ چھوء امہ موجوب واضح گژھان کہ یہ چھئي جہلالتچ علامت ۔تمن نہ ترء خدا فکرء ،نہ ترن خدای سند احکام فکرء۔کیازء کہ تمی چھنہ زانن یژھان کہین ۔

یمس پیغمبر اکرم صلی اللہ علیہ وآلہ وسلمس متعلق اگر زن معمولی تحقیق چھوء گژھان،صرف اتھ قرآن نس متعلق ،اسہ چھنہ بیہ کانہہ تیوتھ آگوراہ کہین یتین زن اسہ یتین زن ائس کانہہ دلیل پیش کرو ۔اسہ نشہ اگر کینہ چھوء سوء چھوء قرآن۔

یہ کہنژھا اسہ قرآن نچہ کہوچہ پیٹھ کھسہ  تہء چھوء صحیح۔ یہ نہ قرآن نچہ کہوچہ پیٹھ کھسہ تہ ء چھوء نہ قبول کہین  ۔([23])

امسی پیغمبر اکرم صلی اللہ علیہ وآلہ وسلم سنز کتھہ کئن اوصاف بیان کران خدا ۔یتھ کئن زن اشارء گو تمسندین بند بندن ہئنز کتھ کرتھ ،پہ چھوس نہ صرف ائتھی پیٹھ اکتفا کران ۔نہ ۔

نہ ۔ دپان چھوس بہء چھوس یہ کوشش کران میہ گژھک ژء راضی روزن۔([24]اللہ اکبر۔

پروردگار عالم  چھوء سانس نبی یس ونان ، بہء چھوس یہ سوری کینہ کران کمہ باپت؟ امہ باپت کہ ژء روزتم خوش، ژء روز م راضی :

فَلَنُوَلِّینَّكَ قِبْلَةً تَرْضَاهَا

سون قبلہ اول اوس ،یوس زن ائس ونہ کینس تہ لڑان چھئی بیت المقدس خاطرء۔قبل اول چھوء اسرائيل لن غصب کورمت ،سوء چھون اسہ نش چھونمت،مگر  ائس تمہ خاطرء جدوجہد کران کہ اسہ گژھہ قبلہ اول آزاد گژھن ۔

یمہ ساعتہ قبلہ اولس کن نماز آئس یوان پرنہ یہودی آئس پامہ دوان کہ اگر یمی اسلام چھئی ونان ، ییژاہ یمہ بجہ کتھہ کران ، تلہ آسہ ہاک پانس قبلے۔

حضرت تس چھوء آوسمت  ناگوار  گژھان ،لوکن ہئنزء پامہ دنہ ۔پروردگار عالمن دوپس پھیر سا یورکن  قبلہ۔کمہ باپت؟میہ بدلووقبلہ کمہ باپت؟

تَرْضَاهَا

 ژء گژھہ ہم خوش۔صلوات

اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُم

فَلَنُوَلِّینَّكَ قِبْلَةً تَرْضَاهَا

سورہ بقرہ آیت 144

نہ۔میہ چھئي صرف اتہ تھی یوت نظر ژء گژھک میہ  راضی روزن،خوش روز تہء ژء۔یقینا چھئي تیوتاہ تمی مصیبت تولمت خدای سند رضا حاصل کرنہ باپت پیغمبر اکرم صلی اللہ علیہ وآلہ وسلمن کہ پروردگار عالم چھوء یتھہ کئن بہ وجد یوان ۔امہ پتہ چھوء پروردگار عالم فرماوان ؛چیانہ خاطرء چھوء میہ شفاعت تک تیوتاہ میدان  وسیع تھوومت :

وَلَسَوْفَ یعْطِیكَ رَبُّكَ فَتَرْضَى([25])

تیوتاہ دی یی،یوتاہ ژء خوش کری شفاعت کرن ،تیوتاہ کر شفاعت  یوتاہ ژء راضی گژھک ۔ صلوات

اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُم

ہر کنہ چیزس تول نوکھ چھوء پنن معیار، یوس زن کانہہ چیز زیادء آسہ تتھ چھئي کثیر ونان "کوثر" گو  ہر کثرت  کھوتہ ساروی کھوتہ زیادء ([26])۔

قرآن نس منز اگر زن نظر کریو ، از چھونہ زیادء مشکل تہء کمپیوٹرس منز  لیکھیو "کوثر"اکی لٹہ نیرء ۔ یعنی قرآن نس منز "کوثر"چھوء پروردگار عالمن اکی لٹہ استعمال کورمت ،سوء چھوء ونان ،پروردگار عالم پننہ نس نبی یس ،سانس نبی یس ونان ؛میہ کور مء کوثر عطا ([27])۔

إِنَّا أَعْطَینَاكَ الْكَوْثَرَ«1»

اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُم(صلوات حضار)

یتھی "کوثر" رس تعبیر چھوء فاطمہ زہرا سلام اللہ علیہا  یوان کرنہ ([28])۔

کوثر، بہشت تک سوء ناگ یتن صرف پروردگار عالم سند تمی بندء گژھن فیضیاب یمو ز ن رسول اللہ صلی اللہ علیہ وآلہ وسلم راضی تھاون نچ کوشش آسہ کرمژ۔

پروردگار عالمن ہر کانسہ نبی سنز ونئن مختلف طریقو تمسنز صفات کرن بیان ،مگر سانس نبی یس متعلق وونن :

وَإِنَّكَ لَعَلَى خُلُقٍ عَظِیمٍ(سورہ قلم آیت 4)۔

ژء چھوکھ خلقء عظیم مک مجسم۔

نہ کہ معاذاللہ کانہہ نبی اوس بد اخلاق یہ ہوے یوت نبی اوس با اخلاق ۔نہ ۔ امسنز ہر کانہہ ادا ائس اخلا ق۔مجسم اخلاق کک۔یہ کورن استعمال صرف پیغمبر اکرم صلی اللہ علیہ وآلہ وسلم سندء خاطرء ۔

نبی؛

کانہہ نبی کھول لن نہ پانس نش دربارس ،پتہ سوزن واپس ۔صرف اکھ نبی ،سوء گو حضرت عیسی ۔سوء کھولن واپس وولن نہ کینہ ۔واپس کر سوزیس ؟

یلہ سون بہم حجت ظہور  کرء ،تمہ ساعتہ کرء اقتداء حضرت عیسی امام زمان نس پتہ ۔

اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُم(صلوات حضار)

حضرت عیسی علیہ السلامس متعلق خدا ونان :

بَلْ رَفَعَهُ اللَّهُ إِلَیهِ۔

سوء کھولن حضرت عیسی  پانس نش آسمانس پیٹھ (سورہ نساءآيت: 158)حضرت عیسی کھولن۔مگر پیغمبر آخرالزمان نس ساتھی کیاہ کورن؟

یہ کرنوون سئر۔بیہ اونن واپس:

أَسْرَى بِعَبْدِهِ([29])۔

صلوات:

اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُم

سئر کرنوون ،معراج کرنوون صرف سون نبی،معراج کرتھ آو واپس ۔

حضرت عیسی سند دوپن سوء کھولم ، مگر ونہ چھوء واپس وسہ نے۔مگر سون پیغمبر آخر الزمان یہ کرنوون معراج  بیہ سوزن واپس   ۔حضرت تس متعلق کئرن کینہ ،تمی اوصاف بیان یمی زن صرف پننہ خاطرء آسن مخصوص تھاومت ،تمی کئرن حضرت سندء خاطرء استعمال ۔

حَرِیصٌ عَلَیكُمْ بِالْمُؤْمِنِینَ رَءُوفٌ رَحِیمٌ«سورہ توبہ آيت:128»

" رَءُوفٌ "تہء" رَحِیمٌ "چھوء پروردگار عالمء سند پنن ناو،مگر یمی کرن عنوان حضرتس نسبت استعمال ،حضرتس دوپن ژء چھوکھ مؤمنن متعلق " رَءُوفٌ "تہء" رَحِیمٌ "۔

کانسہ  نبی یس  چھنہ یہ فخر یمس زن "خَاتَمَ النَّبِیینَ"([30])یی لقب دنہ،مگر سانس پیغمبر آخرالزمان نس چھوء ونان  "خَاتَمَ النَّبِیینَ" سورہ الأحزاب آیه:40۔

اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُم(صلوات حضار)

سورہ احزاب آیت 56 منز کوس عملاہ انجام دوان ؟

فرماوان:

إِنَّ اللَّهَ وَمَلَائِكَتَهُ یصَلُّونَ عَلَى النَّبِی

پانہ پروردگار ،بیہ تمسند ملائکہ "یصَلُّونَ عَلَى النَّبِی"، "یصَلُّونَ "فعل مضارع، فعل مضارع چھوء استمرار خاطرء استعمال گژھان ، یعنی یہ  چھہ نہ   اکی لٹہ پرئن نہ یہ صلوات کہین ۔یا تمسند ملائکہ چھنہ اکی لٹہ پران کہین۔ تمی چھئي دائما اتھی ساتھی آوور! پروردگار تہء تمسند ملائکہ ۔ امہ پتہء چھوء ونان:

یا أَیهَا الَّذِینَ آمَنُوا

اےمؤمنوا!

صَلُّوا عَلَیهِ وَسَلِّمُوا تَسْلِیمًا

اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُم(صلوات حضار)

اتھ صلواتء منز چھا اسہ سر کینہ فکرء تران؟

کینہ چھئہ تمہ کامہ یتھی زن تھیکنہ بغئر ہیکوو دعوی کرتھ کہ ائس چھئي سوء کامی کران یوس زن خداتہء چھوء انجام دوان، تمسند ملائکہ  تہء چھئی انجام دوان ،مؤمنین تہء۔کیاہ سا؟

صلوات پرن۔

اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُم(صلوات حضار)

اگر پرژھہ تہء کانہہ !کیازء؟کتھہ کئن؟ ۔

سوء گو یہوے کہ فعل مضارع چھوء"یصلون" چھوء کورمت خداین استعمال،یعنی تمی چھئي آوور اتھی ساتھی !

اسلئے یمہ ساعتہ انسان یہ شرف  حاصل چھوء کران ،یہ صلوات چھوء پران یعنی امس چھوء یقینا سوی شرف حاصل گژھان یہ کہنژاہ صلوات پرنس منز خداین اعلان چھوء کورمت ۔

حق تعالی  پیغمبر آخر الزمان نس متعلق ونان ؛میہ سوزکھ ژء بس رحمت بنایتھ:

وَمَا أَرْسَلْنَاكَ إِلَّا رَحْمَةً لِلْعَالَمِینَ

اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُم(صلوات حضار)

«سورہ انبیاءآیت:107»یعنی صرف رحمت ۔بعضی علماء تعبیر کران کہ کنہ ساعتہ چھئي آئس ونان :فلانی جایہ گو یوتھ واقعہ ...نبہ ننہ گئژھ ترٹھ پین۔مگر تمہ پتہ چھنہ پیوان کہین ۔دلیل کیاہ؟

تتھی علماء دپان یوس ائس دپان چھئي" بِسْمِ اللَّهِ الرَّحْمَنِ الرَّحِیمِ" ،" الْحَمْدُ لِلَّهِ رَبِّ الْعَالَمِینَ" ، تمہ پتہ بیہ ونان" الرَّحْمَنِ الرَّحِیمِ" ۔یوس زن یہ نمازء منز اسہ ، ہو نہ ہو یہ نماز چھئي  پرن ،اسہ چھنہ پے یہ دلیل کیاہ چھئي ،ائس چھئي  ہر وزء آسان یہ  رحم ، رحم ، رحم  ونہ تھی ۔ یہ چھوء امے کلمات تن ہئنز تاثیر آسان کہ خدا یس چھئی ائس رحم مک درخواست آسان کرا ن کہ امہ باپت چھوء یمن عئب بن وورن گژھان ،یہ نبہ ننہ ترٹھ چھنہ پیوان ۔حضرت سندء برکتہ ،تمس دوپن تمام عالمین نن خاطرء رحمت بنایتھ سوزمکھ ۔

حضرت موسی علیہ السلام مس متعلق وون خداین؛اے موسی پنن قوم کڑن سا امہ انہ گٹہ منزء :

أَخْرِجْ قَوْمَكَ مِنَ الظُّلُمَاتِ إِلَى النُّورِ([31])

" أَخْرِجْ"کڑن ونی۔ پنن کھیول تلن ،پنن قوم تلن امہ انہ گٹہ منزء کڈن گاشس کن ۔

مگر پیغمبر آخرالزمان نس متعلق ونان:

لِتُخْرِجَ النَّاسَ مِنَ الظُّلُمَاتِ إِلَى النُّورِ([32])

" لِتُخْرِجَ النَّاسَ "اتین تہء فعل مضارع استعمال کران۔اکی ساعتہ نہ کینہ ۔

حضرت موسی ساس وونن وینکینس ژھنک کڑتھ ۔مگر پیغمبر آخرالزمان نس متعلق وونن ؛ہمشہ چھئي ژء روزن انہ گٹہ منز لوکھ! لوکھ نہ کہ مسلمانی یاتی  کڑان روزن۔"لِتُخْرِجَ النَّاسَ "ناس گئي ساری لوکھ !چاہے مسلمان ، چاہے غئر مسلمان چھوء۔بے نمازی چھوء ، نمازگزار چھوء ،کافر چھوء، ظالم چھوء ، یوس چھوء ، انسان چھوء پروردگار عالمء سندس نبی سنز ذمہ داری چھئي ،تمس چھوء سوء ہمیشہ امہ انہ گٹہ منز کڈن نبر۔"لِتُخْرِجَ النَّاسَ "۔

پروردگار عالم سندء یمو کلمات تو تہء چھوء یی تران فکرء کہ اگر زن پیغمبر آخرالزمان سند وفات چھئي مناوان تلہ کتھہ چھئي ائس ونان :"لِتُخْرِجَ النَّاسَ "؟ونہ کینس کوس کڑہ انہ گٹہ منزء گاشس کن؟

سوی حجت چھوء ،یوس زن اسہ ونہ کینس دپان چھوء حضرت تس پتہ یوس حجت خدا تہند سلسلہ رود جاری ونہ کینس چھوء بہم حجت پردہ غئب بس منز ،سوء چھوء یہ ذمہ داری انجام دوان لوکن انہ گٹہ منز کڑان گاشس کن ۔

اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُم(صلوات حضار)

 

 پی  ڈی ایفPDF فائل ڈاونلوڈ کرنہ خارطرء



[1] مریم/آیت 97۔دخان /آيت 58، قیامت/آیت 16

[2] مریم/آیت 97،دخان/آیت 58، قیامت/آیت 16

[3] الإسراء آیه:29

[4] الشرح آیه:1

[5] الإسراء آیه:29

[6] مریم آیه:97،الدخان آیه:58

[7] البقرة آیه:149

[8] الحجر آیه:88

[9] الأحزاب آیه:30،الأحزاب آیه:32

[10] الأحزاب آیه:59

[11] محمد آیه:13

[12] التین آیه:3

[13] المدثر آیه:4

[14] المدثر آیه:1

[15] المزّمّل آیه:1

[16] بقره/آیت 55،61،مائده /آیت 22،24،الاعراف /آیت 115،134،138،144،اسراء/آیت 101،طہ/آیت 11،17،19،36،40،49،57،65،83،نمبل/آیت 9،10،قصص/آيت 19،20،30،31.

[17] سوره ھود/آيت 76ومریم/آیت 46۔

[18] سوره ھود/آيت 32،46،48و شعراء/آيت 116۔

[19] سوره مائده/آیت 110،112،116۔

[20] سوره انفال/آيت 64،65،70،توبہ/آیت 73،احزاب /آیت 1،28،45،50،59،ممتحنہ /آیت 12،طلاق/آیت 1،تحریم /آيت 1و9.

[21] سوره مائده /آیت 41و67۔

[22] یادنامه علامه امینی ص345

[23] إِذَا وَرَدَ عَلَيْكُمْ حَدِيثَانِ مُخْتَلِفَانِ فَاعْرِضُوهُمَا عَلَى كِتَابِ اللَّهِ- فَمَا وَافَقَ كِتَابَ اللَّهِ فَخُذُوهُ وَ مَا خَالَفَ كِتَابَ اللَّهِ فَرُدُّوهُ۔

[24] قَدْ نَرَى تَقَلُّبَ وَجْهِكَ فِی السَّمَاءِ فَلَنُوَلِّینَّكَ قِبْلَةً تَرْضَاهَا فَوَلِّ وَجْهَكَ شَطْرَ الْمَسْجِدِ الْحَرَامِ وَحَیثُ مَا كُنْتُمْ فَوَلُّوا وُجُوهَكُمْ شَطْرَهُ وَإِنَّ الَّذِینَ أُوتُوا الْكِتَابَ لَیعْلَمُونَ أَنَّهُ الْحَقُّ مِنْ رَبِّهِمْ وَمَا اللَّهُ بِغَافِلٍ عَمَّا یعْمَلُونَ۔ البقرة آیه:144

[25] الضحی آیه:5

[26] مجمع البیان، ج 5، ص 548.

[27] إِنَّا أَعْطَینَاكَ الْكَوْثَرَ«1»

[28] مجمع البیان/10 صفحه 549.

[29] اسراء آیت: 1

[30] الأحزاب آیه:40

[31] الإبراهیم آیه:5

[32] الإبراهیم آیه:1


آپ کی رائے
نام:  
ایمیل:
عبارت:  500

قدرت گرفته از سایت ساز سحر