پيشنهاد سردبير

سایت شخصی ابوفاطمہ موسوی عبدالحسینی

جستجو

ممتاز عناوین

بایگانی

پربازديدها

تازہ ترین تبصرے

۰

نبوت

 کتابخانہ شیعہ اعتقاد(کاشر زبان منز) نبوت

•                                         نبوت:

انبیان ہئنز نبوت

                یتھہء کہ موجودات عالم چھئی ایٹم پیٹھہ تارکن تام قوانین تہء الہی نظام مطابق تکاملس کن پکان تہ ائس چھئی  وچھان کہ اکھ بیالی پُھل چھوء اکہ قانون تہ معین شرایطو مطابق اکھ کُل بنان  و یا ماچھ تُلرء یمی وحی الہی تہ نظم ءسان بہترین اجتماعی زندگی چھئ کران، انسان یُس موجودات عالمُک ڈیکہ ٹیکہ چھوء چھنہ امہ قانون تہ قاعدہ نبر تہ کمالس واتنہ خاطرء چھئی امسندء خاطرء الہی قوانین ضروری۔ خاص کر امہ باپت کہ انسانس چھئی تمام موجوداتن مقابلہ اختیارات دنہ آمت  تہ حق و باطل کس دُو وَتِس پیٹھ چھوء ، امس چھئی رہنمائی ہئنز سیٹھا ضرورت تاکہ وَتہ تہ وِیتھہء منز ہیکہ فرق کرتھ، تہ سوء رہنما ہیکہ امس  وتہ پیٹھ پکنس تہ وِیتھہء منز پھٹنس  نش بچاوتھ تہ تمس انفرادای تہ اجتماعی مصلحت تہ ذمہ داری ہیکہ سمجھایت۔

                انسان سنزء زندگی منز نَبُوَتُک  آسن چھئی تِمَی الہی قوانین کہ یمی پیغمبرن وح چھئی سپدیمت تاکہ بشریت کس کاروانس روزن خیر و صلاح تہ کمالس کن رہنمائی  کران۔ یمی خداین ماچھ تُلرء وحی کور:"وَأَوْحَى رَبُّکَ إِلَى النَّحْلِ" یمہء ساتھی یہ لکٹ مکٹ کیوم کانسہ کھنڈء ماہرس نش شاگردی کرنچ پریشانی تلنہ بغیر کھنڈ بناونس منز استاد تہ کانہہ مدرسہ تہ یونیورسٹی گژھنہ بغیر معماری ہندس صنعتس تہ انجینرنگ منز بنایوی معمارن تہ انجینرن ہند وستاد تہ علم اجتماع پرنہ بغیر بنیاوی بہترین نظمس منز عالی تمدن سان اجتماعی زندگی  کرن وول ۔

پیغمبر اسلام  صلی اللہ علیہ وآلہ وسلم سنز نبوت

                اگر اکھ بہترین ادبی فن پارہ  چٹھ اکس ان پڈھ سندء طرفہ سپدی ژء وصول یتھ منز اعلی علمی تہ سائنسی معلومات آسن، عقل چیانی کرء حکم کہ یہ ہیکنہ امس ان پڈھ سنز چٹھ آستھ ۔

                وین یلہ قرآنچ عبارت تاریخی پس منظرس منز ، تہ پیغمبر اکرم صلی اللہ علیہ وآلہ وسلم سنزء زندگی تہ تمہ زمانہ کس ماحولس موازنہ کرو عقل سانی چھئی اصلی پاٹھی ہیکان سمجتھ کہ یہ قرآن چھوء یقینا خدای سندء طرفہ کیا زءکہ:

1۔تاریخی پس منظر ساتھی چھوء واضح طور معلوم سپدان کہ حضرت محمد صلی اللہ علیہ وآلہ وسلم  آئس یتیماہ  یمی عربستان کس تتھ ماحولس منز پرورش لب یُس علم و دانش نشہ سیٹھا دور اوس  تہ باقی  اکثر پیغمبرن ہند پاٹھی چار پای رچھنس تہ تجارتس منز گذراو تہ لوکن ساتھی لسان بسان ائس تہ کانسہ ووچھنہ زانہ لیکھان یا پران یا کانسہ نش سبق پران۔

قُلْ لَوْ شَاءَ اللَّهُ مَا تَلَوْتُهُ عَلَیکُمْ وَلَا أَدْرَاکُمْ بِهِ فَقَدْ لَبِثْتُ فِیکُمْ عُمُرًا مِنْ قَبْلِهِ أَفَلَا تَعْقِلُونَ۔

ون اگر خدای یژھءبہء  ہیکنہ توہیہ پیٹھ تلاوت قرآن کرت تہ نہ ہیکہ احکام تہ تمک حقائقن ہنز خبر دتھ یتھئ کئن قرآن نازل گژھنہ برونہ عمراہ کرم توہیہ ساتھی(تہ تمن ژتجہن ورین منز  وچھوی نہ توہیہ یوتھ کینہ)کیازء چھوء نہ پننہ عقلہ کامی ہیوان(کیا یوتان نہ وری وادن لیکھہ نچ مہارت حاصل آسہ سپدی مژ سوء ہیکیاہ بہترین کتاب لیکتھ؟)

(یونس/16)

                وین اگر یہ کینژھا قرآنس منز بیان چھوء سپدمت یہ آسہ ہا آنحضورسند پنن بیان تلہ گوژھ بعثتء برونہہ تہء امہ قسمک بیان تمسندء طرفہ وچھنہ آمت یتھی کئن زن علمان فلاسفرن منز وچھنہ چھوء یوان کہ کمالس واتنہ برونہ تہء چھئی تمن منز تمہ قسمک آثار نمایاں آسان۔

                2۔ حضرت محمد مصطفی صلی اللہ علیہ وآلہ وسلم ائس لوکن منز  پز زیور تہ امانت دار ماننہ یوان تہ ساری آئس تمس محمد امین(صلی اللہ علیہ وآلہ وسلم) ونان تہ واریاہ لوکھ سپد  امہ باپت مسلمان  کہ محمد (صلی اللہ علیہ وآلہ وسلم) چھئی پئز زیور۔وین اگر تمی اپُز دعوای نبوت آسہ ہا کورمت سولہء یا ژیر سوء اپز سپدء ہا آشکار۔

                3۔ اگر اپُز دعوای نبوت آسہ ہا تلہ گوژھ  لوکن نشہ مال یا مقام حاصل کرنچ کوشش کرن یلہ زن وچھنہ آو کہ یلہ حضرت ابو طالب سندء ذریعہ تمام قبیلہ کین سردارن تہ مالدارن ہندء ذریعہ آو وننہ زء اگر دعوای نبوت کرن تراوء یوتاہ مال منگہ دموس تہ یُس مقام ژھانڈء دموس تمن در جواب ونان:<<قسم چُھم خدای سُند اگر دَچھنِس اَتھس کیتھ آفتاب  تہ کھورس زون (یعنی اگر پرتھ کانہہ ممکن و نا ممکن مال و مقام) دیوم پنن رسالت واتناونس نش روزنہء پتھ ۔>>تمسند دعوی اوس پُوز کیاز کہ مقصد حاصل کرنس تام یمی مصیبت تہ مشکلات پیش آئی تہ رہبری  تہ تمام امورن ہئنز باگ دوڑ اتھس منز رٹنہ پتہ یژھہ ہا آرام تہ آسایش ہئنز زندگی کرتھ مگر مسجدء لرء معمولی گھرء بناوتھ تمام عمر کرکھ تتھی زندگی بسر تہ لوکن نش اجرت حاصل کرنہ بجاے رود تمام انبیان ہند پاٹھی فرماوان:

یا قَوْمِ لَا أَسْأَلُکُمْ عَلَیهِ أَجْرًا إِنْ أَجْرِی إِلَّا عَلَى الَّذِی فَطَرَنِی أَفَلَا تَعْقِلُونَ۔

ای میانہ قومہء!بہء چُھس نہ پنن ءرسالت تہ  تہنزءرہبری خاطرء توہیہ نش کانہہ اجرت حاصل یژھان کرن، میانی اجرت ہیکہ صرف پانے خدا دیتھ، یمی خداین بہء پادء کرُس، کیازء چھو نہ پننہ عقلہ کامی ہیوان۔

(هود/51)

                3۔گھروالین خاص کر حضرت خدیجہ سند ایمان انن  چھئی حضرت محمد مصطفی صلی اللہ علیہ وآلہ وسلم سندء نبوتچ بیاک دلیل کیازکہ گھرء واجِن ہیکہ پرتھ کانسہ کھوتہ بہتر پننس خاندارس متعلق قضاوت کرت کیاز کہ سوء چھئی تمسندن تمام خصوصیاتن پرت کانسہ ہندء کھوتہ بہتر زانان۔

                5۔ حضرت محمد مصطفی صلی اللہ علیہ وآلہ وسلم سندء نبوتچ بیاک دلیل چھئی آنحضور سند عمیق اثر، روحانیت تہ معنویت ۔ دپان ابوعلی سیناس اوس بہمنیار ناوک اکھ شاگرد یُس پننس استاد سُند علم تہ کمال وچھت اوس استادس دپان اگر ژء پیغمبری ہند دعوی کرکھ تمام پکنے ژء پتہ پتہ ۔ وندس منز اکہ صبح کور ابو علی سینان امس شاگردس بانگہ وزء آلو کہ تریشہ گلاس ان تہء، نندر تہ سخت سردی کہ سبب ہیوکنہ شاگردن استادسنز خواہش پورء کرت ، یہ حال وچھت ون ابو علی سینان امس شاگردس کہ کم سے کم دء بانگہ کن  ۔ یلہء بانگی ون <<أَشْهَدُ أَنَّ مُحَمَّداً رَسوُلُ الله>>شاگردس دپُن: وچھ رسولخدا حضرت محمد مصطفی صلی اللہ علیہ وآلہ وسلم سندء کلامک اثر کہ ہتہ وادء وری گذرنہ پتہ تہ چھئی یَتھی سردی منز مؤذنین گلدستس پیٹھ کھست بانگ دوان تہ تمسندء رسالتچ شہادت دوان ، میہ منگوی پانے ژء  تریشہ دام مگر ژء لاجت سردی ہندء بیمہ نندر۔  

                6۔ قرآن پننس فصاحت و بلاغتس، غیبی خبرن، روحانیت تہ جاذبیتس ، سائنسی تہ علمی معجزاتن ہند بیان کرتھ چلینج کران روزن چھوء آنحضور صلی اللہ علیہ وآلہ وسلم سندء نبوتچ بیاکھ محکم دلیل:

قُلْ لَئِنِ اجْتَمَعَتِ الْإِنْسُ وَالْجِنُّ عَلَى أَنْ یأْتُوا بِمِثْلِ هَذَا الْقُرْآنِ لَا یأْتُونَ بِمِثْلِهِ وَلَوْ کَانَ بَعْضُهُمْ لِبَعْضٍ ظَهِیرًا۔

ون اگر انسان تہ جِن  امہ باپت سمن تاکہ یوتھ قرآن انن ، ہرگز ہیکن نہ ،اگرچہ اکھ اکس ڈوکھ رٹن

(الإسراء/88)

                7۔بیہ لحاظہ چھئی وچھان کہ قرآن چُھنہ انسانی تحریرن ساتھی کانہ شباہت تھاوان بلکہ  الہی آفرینش تہ طبیعتچ کتابہء بالکل مشابہ تہ قرآن چُھنہ صرف انسانس قرآنچین آیاتن ہند مطالعہ کرنک تہ سمجھ نکوی یوت بلکہ  طبیعتچ کتابہء ہند مطالعہ کرنک تہ دعوت دوان تہ دونونی خدای سنز آیژ قرار دوان  تہ ائس چھئی وچھان کہ قرآن چھوء طبیعتک پاٹھی ظاہری تہ باطنی رمز و رازو ساتھی برت تہ متفکرین دونونی ہند مطالعہ کرنہ ساتھی توحید ،ایمان تہ سارنی امورن تان دسترسی پادء کران، تہ یتھئ کئن قرآن منز بشارتچ تہ عذابچ آیات چھئی طبیعتچ چہ کتابہ منز تہ چھئی  ہوا تہ رود ہہ رحمتچ تہ بشارتچ آیات ؛<وَهُوَ الَّذِی یرْسِلُ الرِّیاحَ بُشْرًا[1]>تہ  طوفان تہ آفات گیاہی  ہہ عذابچ آیات؛<فَأَرْسَلْنَا عَلَیهِمُ الطُّوفَانَ وَالْجَرَادَ وَالْقُمَّلَ وَالضَّفَادِعَ وَالدَّمَ آیاتٍ مُفَصَّلَاتٍ[2]>موجود۔یتھی کئن قرآنس منز معجزات چھئی تتھی کئی چھئی طبیعتچ ء کتابہ منز تہ حضرت موسی علیہ السلام سند معجزات تہ دیگر الہی معجزات سپدان رونما سپدان۔

                8۔ ونیوک تام یتھی کئن محمدی مکتبن انسانس علمس تہ دانش کن ترغیب چھئی دژمژ



[1] سورہ 7آیت 57

[2] سورہ 7 آیت 133

تبصرے (۰)
ابھی کوئی تبصرہ درج نہیں ہوا ہے

اپنا تبصرہ ارسال کریں

ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
تجدید کد امنیتی